⊗

Timor-Leste ho Indonézia fahe illa Timor. Fronteira loromonu entre nasaun rua ne’e nia luan 125km ho Indonézia ba loromonu no Timor-Leste mai lorosa’e nune’e mos enklave Oe-Cusse.

Iha sékulu 16 Timor iha poténsia kolonial Portugal no Olanda ne’ebé funu hodi kontrola illa ne’e. Delimitasaun fronteira dahuluk ne’e akontese iha 1859, tuir fali akordu balu no delimitasaun ikus mak iha 1904. Indonézia sai independente iha 1945 no Timor-Leste deklara independente unilateralmente iha 1975, ne’ebé restaura fali iha 2002 hafoin periodu okupasaun tuir fali administrasaun Nasoens Unidas nian.

Timor-Leste no Indonézia halo ona negosiasaun hodi hafahe fronteiras terestres durante tinan barak no prosesu ne’e besik hotu ona. Área hirak ne’ebé presiza negosiasaun ne’e menus husi pursentu rua. Segmentus ikus ne’e ho nia karateristíka ne’ebé komplikadu ka pontu balu ne’ebé presiza ko’alia ho klean liu tan hodi bele rezolve, ezemplu, iha Noel Besi/Citrana, Oe-Cusse, nune’e mos konkordansia ba pontu ikus ne’ebé hodi sukat rai ba tasi, (buat rua ne’e ba segmentus iha Oe-Cusse no ba Timor-Leste). S.E. Kay Rala Xanana Gusmão mak lidera negosiasaun ne’e tuir Governu nia Rezolusaun No. 2/2018 iha 5 Dezembru.

Atu hatene liu tan, hanehan iha ne’e.

Tratadu kona-ba fronteiras terestres

  • Tratadu Hafahe no Troka Área Domíniu Portugal no Olanda nian balu iha Arkipélagu Solor no Timor, 20 Abril 1859
  • Konvensaun entre Portugal no Olanda hodi hafahe Portugal no Olanda nia Ukun iha Illa Timor-Leste, 1 Outubru 1904
  • Tribunal Arbitrajen Permanente nia desizaun hodi hafahe buat ne’ebé mak Olanda nian no Portugal nian iha Illa Timor, 25 Juñu 1914
  • Akordu Provizóriu entre Timor-Leste ho Indonézia kona-ba Fronteira Terestre, 8 Abril 2005

Reuniaun bilateral ho Indonézia

  • Iha 13-14 Dezembru 2018, Konsultasaun Senior Ofisial dahat;
  • Iha 29 Abril – 15 Maiu 2019, Vizita konjunta ba Oe-Cusse Ambeno;
  • Iha 1-3 Jullu 2019, konsultasaun Ofisial Senior ba dalima;
  • Iha 22 Jullu 2019, S.E. Kay Rala Xanana Gusmão no S.E. Jeneral Wiranto asina ‘Akordu Prinsípiu’ kona-ba estabelesimentu ita nia fronteira rai nian;
  • Iha 14-15 Agostu, hala’o ‘desktop study’; no
  • Iha 4-5 Fevereiru 2020, reuniaun nível altu entre S.E. Kay Rala Xanana Gusmão no Ministru Koordenador ba Asuntus Polítikus, Legal no Seguransa no Ministru Negósius Estranjeirus Indonézia nian.

AVIZU LEGAL

AVIZU IMPORTANTE

Website ida ne’e Gabinete Fronteiras Marítimas husi Konsellu ba Delimitasaun Definitiva ba Fronteiras Marítimas fornese hodi fasilita ema sira ne’ebé lee website ida ne’e, atu aprende kona ba Timor-Leste nia luta ba fronteirs marítimas permanente. Konsellu ba Delimitasaun Definitiva ba Fronteiras Marítimas no Gabinete Fronteiras Marítimas la simu responsabilidade legal saida deit ba konfiansa ba informasaun saida deit mak iha website ne’e (inklui link ba dokumentu esternu sira). Informasaun iha ne’e hanesan rezumu deit no la bele foti hanesan akonsellamentu legal. Informasaun ho opiniaun sira hato’o iha website ne’e no informasaun hirak ne’ebé ligadu la reprezenta diplomátiku no la limite ka afeta direitu Konsellu ba Delimitasaun Definitiva ba Fronteiras Marítimas, Gabinete Fronteiras Marítimas, ka Governu Timor-Leste.

Se iha no bele, Gabinete Fronteiras Marítimas fornese anexu no link sira iha lian Tetun.