⊗
Hanesan Estadu ida ne’ebé foin hamrik mesak, hametin soberania no estabelese fronteiras rai no tasi nian sai hanesan prioridade as liu ba Timor-Leste.
Livru ida ne’e konta Timor-Leste nia luta kontra buat hotu hodi ikus mai rezolve nia luta naruk ho Austrália, kona-ba fronteiras marítimas, liuhusi konsiliasaun obrigatória dahuluk, tuir Nasoens Unidas nia Konvensaun kona-ba Lei Tasi nian.
Livru ida ne’e konta Timor-Leste nia luta ba nia soberania tasi nian – husi pasadu to’o prezente, no saída mak ida ne’e nia signifika ba futuru. Atu komprende didiak luta naruk ida ne’e, livru ida ne’e, fó rezumu prinsípiu relevante lei tasi nian no, marka tuir lei internasional, Timor-Leste nia pozisaun kona-ba nia fronteiras marítimas permanentes.
Website ida ne’e Gabinete Fronteiras Marítimas husi Konsellu ba Delimitasaun Definitiva ba Fronteiras Marítimas fornese hodi fasilita ema sira ne’ebé lee website ida ne’e, atu aprende kona ba Timor-Leste nia luta ba fronteirs marítimas permanente. Konsellu ba Delimitasaun Definitiva ba Fronteiras Marítimas no Gabinete Fronteiras Marítimas la simu responsabilidade legal saida deit ba konfiansa ba informasaun saida deit mak iha website ne’e (inklui link ba dokumentu esternu sira). Informasaun iha ne’e hanesan rezumu deit no la bele foti hanesan akonsellamentu legal. Informasaun ho opiniaun sira hato’o iha website ne’e no informasaun hirak ne’ebé ligadu la reprezenta diplomátiku no la limite ka afeta direitu Konsellu ba Delimitasaun Definitiva ba Fronteiras Marítimas, Gabinete Fronteiras Marítimas, ka Governu Timor-Leste.
Se iha no bele, Gabinete Fronteiras Marítimas fornese anexu no link sira iha lian Tetun.